«Комплект Арматура» ЖШС басшылығы Қазақстандағы «Мұнай және Газ» халықаралық көрмесіне тағы да қатысты

«Комплект Арматура» ЖШС-ның басшылығы 2024 жылғы 25-27 қыркүйек аралығында Алматы қаласында 29-шы рет өткен «Мұнай және Газ» – KIOGE 2024 Қазақстандық халықаралық көрмесіне кезекті рет барды.

KIOGE – Қазақстандағы алғашқы мұнай-газ көрмесі мен конференциясы, ол өз тарихын 1993 жылдан бастайды. Бұл іс-шара Алматы қаласында 2 жылда 1 рет өтеді және мемлекеттің, бизнестің, инвесторлардың және сервистік компаниялардың өзара іс-қимылы үшін басты салалық алаң болып табылады.

KIOGE өткізудің негізгі мақсаты мұнай-газ саласының мәселелері мен өзекті тақырыптарын жариялау және талқылау, «ақылды» және «қауіпсіз» технологияларды енгізу, мұнай өндіру процестерін цифрландыру, қазақстандық жеткізушілер мен нарықтың негізгі операторларының өзара іс-қимылын дамыту болып табылады.

Көрменің жұмыс күндері үш күндік іскерлік бағдарлама өтті, оның аясында мұнай-газ саласындағы жетекші компаниялардан, сарапшы-практиктерден, ірі салалық қауымдастықтар өкілдерінен семинарлар өтті.